İran rəsmi olaraq Xameneinin sağ əli Əli Laricaninin ölümünü təsdiqlədi

İranın Ali Milli Təhlükəsizlik Şurası İsrailin hava hücumunda öldüyünü elan etməsindən sonra rəhbəri Əli Laricaninin ölümünü təsdiqlədi. Bu barədə The Times of Israel məlumat yayıb.

"Şəhidlərin pak ruhları Allahın saleh bəndəsi, şəhid Dr. Əli Laricaninin pak ruhu ilə əlaqəyə girib", - deyə şuranın bəyanatında bildirilir.

Onlar əlavə ediblər ki, Laricaninin oğlu və mühafizəçiləri də öldürülüb. Məlumatı ümumiləşdirən şura liderinin ölümü ilə bağlı aşağıdakı bəyanatı əlavə etdi.
"İranın tərəqqisi və İslam İnqilabı uğrunda mübarizəyə həsr olunmuş bir ömürdən sonra o, nəhayət ki, uzun müddətdir arzuladığı arzusunu gerçəkləşdirdi, ilahi bir çağırışa cavab verdi və xidmətinin ön cəbhəsində şəhidliyi şərəflə qəbul etdi", - deyə bəyanatda bildirilir.

İran mediasına istinadən media həmçinin bildirib ki, Laricanidən əlavə, şuranın təhlükəsizlik üzrə müavini Əlireza Bayata və Bəsic (xalq milisi) komandiri Qulamreza Süleymaninin də öldürüldüyü bildirilib.
Xatırladaq ki, 16 martda İsrail Müdafiə Qüvvələri gecə ərzində İrana hava hücumları həyata keçirdiyini və təhlükəsizlik qüvvələri komandirlərini öldürdüyünü bildirib. Onlardan biri ölkənin ali lideri olmağa namizəd kimi təqdim edilən Təhlükəsizlik Şurasının katibi Əli Laricani idi.

Ayətullah Əli Xameneinin öldürülməsindən sonra oğlu Müctəbanın İranın yeni Ali Lideri seçilmişdi. Lakin ölkəni faktiki olaraq idarə edən və ölkənin qərarlarını əlaqələndirən Laricani idi.

Əziz MUSTAFA