İran Hörmüz boğazının tam blokadası ilə hədələyib
ABŞ prezidenti Donald Trampın ultimatumuna uyğun olaraq, ABŞ İranın elektrik stansiyalarına hücum edərsə, Tehran Hörmüz boğazını tamamilə bağlayacaq. Oxuməni.az “Fars”agentliyinə istinadla xəbər verir ki, bu barədə İran Silahlı Qüvvələrinin "Həzrət Xatəm əl-Ənbiya" mərkəzi qərargahının nümayəndəsi bildirib.
"Biz dəfələrlə bəyan etmişik ki, Hörmüz boğazı yalnız düşmən üçün bağlıdır, lakin hələ tamamilə bağlanmayıb və bizim ağlabatan nəzarətimiz altındadır; zərərsiz keçid təhlükəsizliyimizə və maraqlarımıza cavab verən müəyyən şərtlər daxilində həyata keçirilir", - məlumatda deyilir.
ABŞ-ın təhdidlərinin reallaşacağı təqdirdə Tehranın digər tədbirləri arasında mərkəzi qərargahın nümayəndəsi aşağıdakıları qeyd edib:
• İran tərəfindən İsrailin bütün elektrik stansiyalarının, enerji infrastrukturunun və informasiya-kommunikasiya texnologiyaları obyektlərinin məhv edilməsi;
• regionda Amerika səhmdarları olan bütün şirkətlərin məhv edilməsi;
• ABŞ bazalarının yerləşdiyi regiondakı bütün elektrik stansiyalarının İranın "qanuni hədəfləri" elan edilməsi.
Qərargah nümayəndəsi əlavə edib ki, İran müharibənin təşəbbüskarı olmayıb və indi də olmayacaq, lakin ABŞ və İsrail elektrik stansiyalarına ziyan vurarsa, ölkə İran xalqını qorumaq üçün "əlindən gələni edəcək". Bu halda, İran Silahlı Qüvvələrinin nümayəndəsinin sözlərinə görə, ABŞ-ın və onun regiondakı müttəfiqlərinin enerji, neft və sənaye infrastrukturunun "davamlı məhv edilməsi prosesi" başlayacaq.
Daha əvvəl, martın 22-nə keçən gecə ABŞ prezidenti İrana ultimatum verərək, Tehran 48 saat ərzində Hörmüz boğazını açmasa, elektrik stansiyalarını məhv etməklə hədələmişdi. "Birləşmiş Ştatlar onların müxtəlif elektrik stansiyalarına, ən böyüyündən başlayaraq, zərbə endirəcək və onları məhv edəcək!" - o, “Truth Social”-da yazmışdı.
Almaz Həsənli
