Rusiyada xarici hərbi qulluqçuların deportasiyası qadağan edılıb

Rusiya Prezidenti Vladimir Putin Rusiya Silahlı Qüvvələrində xidmət edən əcnəbilərin inzibati deportasiyasını qadağan edən qanunu imzaladı. Sənəd rəsmi hüquqi məlumat saytında dərc edilib.
Bundan əvvəl, 18 martda Federasiya Şurası qanunu təsdiqləyib. Sənəddə Rusiya Silahlı Qüvvələrində xidmət edən əcnəbilərin artıq inzibati deportasiyaya məruz qalmayacağı qeyd olunur.

Qanuna görə, xarici hərbi qulluqçu deportasiya tələb edən cinayət törətərsə, deportasiya cərimə və ya 100 saatdan 200 saata qədər ictimai iş kimi digər cəzalarla əvəz olunacaq.

Bundan əlavə, deportasiya idman tədbirlərində törədilən cinayətlərə şamil edilməyəcək. Rusiya Silahlı Qüvvələrində xidmət edən xarici hərbi qulluqçulara bu cür cinayətlərə görə artıq yeddi ilə qədər yarışlarda iştirak etmək qadağan ediləcək.

8 martda Putin Rusiya Silahlı Qüvvələrində müqavilə əsasında xidmət edən əcnəbilərin cinayət məsuliyyətinə cəlb edilmək üçün digər ölkələrə ekstradisiyasını qadağan edən qanunu imzaladı. Yeni qaydalara əsasən, əgər sorğu Rusiya Silahlı Qüvvələrinin və ya ölkədəki digər hərbi birləşmələrin müqaviləli xidmət üzvü ilə bağlıdırsa, xarici dövlətə cinayət təqibi və ya hökmün icrası üçün ekstradisiya rədd ediləcək.

Əziz MUSTAFA