Vyetnam Kommunist Partiyasının rəhbəri To Lam ölkənin prezidenti seçildi

Vyetnam Milli Assambleyası Kommunist Partiyasının rəhbəri To Lamı beş illik müddətə prezident seçib.
“Reuters”-in məlumatına görə, əvvəllər İctimai Təhlükəsizlik Xidmətinə rəhbərlik etmiş To Lam nəhayət mart ayının sonlarında prezident kimi təsdiqlənib. Yanvar ayında o, partiyanın baş katibi vəzifəsinə ikinci müddətə yenidən seçilib.
Analitiklər qeyd edirlər ki, iki yüksək vəzifənin birləşdirilməsi Vyetnamın ənənəvi kollektiv liderlik sistemindən uzaqlaşma və hakimiyyətin tək bir fiqurun əlində cəmləşməsi deməkdir. “Reuters” qeyd edir ki, bu, daha güclü hakimiyyət şaqulinə və iqtisadi inkişaf üçün daha sürətli qərar qəbuletməyə səbəb ola bilər.
To Lam 2024-cü ildə Nguyen Fu Tronqun ölümündən sonra hər iki vəzifəni bir neçə ay tutub. Birinci müddətində To Lam genişmiqyaslı iqtisadi islahatlara başlayıb. Yenidən seçildikdən sonra o, aşağı qiymətli istehsaldan daha az asılı olan yeni bir inkişaf modeli vasitəsilə "iki rəqəmli artım"a nail olacağına söz verib - bu, xarici korporasiyalara fayda verən Vyetnamın ixrac bumunun təməli olub.
Almaz Həsənli