İran yeraltı raket bazalarının girişlərini dağıntılardan təmizləməyə başlayıb
Atəşkəsdən istifadə edən İran, ABŞ və İsrailin əvvəlki hücumları nəticəsində zədələnmiş yeraltı raket saxlama qurğularının girişlərini təmizləməyə başlayıb. Oxuməni.az xəbər verir ki, CNN bu barədə məlumatlı mənbələrə və peyk görüntülərinə istinadən məlumat verib.
ABŞ kəşfiyyatına görə, İranın raket buraxıcı qurğularının təxminən yarısı bir aylıq döyüşdən sonra salamat qalıb. Zərbələr tunel girişlərinə dəydikdən sonra onların bir çoxu yeraltı saxlama qurğularında basdırılmış ola bilər. Atəşkəsə əsasən, Tehran raketləri və buraxıcı qurğuları dağıntılardan çıxarmağa çalışır.
Xüsusilə Xomeyn yaxınlığında və Təbrizin cənubundakı raket bazasının peyk görüntüləri tikinti texnikasının dağıntıları təmizlədiyini və zibilləri tullantı maşınlarına yüklədiyini göstərir. Döyüş zamanı ABŞ və İsrail buraxıcı qurğuların mövqeyə keçməsinin və yenidən yükləmək üçün yeraltına tez qayıtmasının qarşısını almaq üçün yeraltı bazaların girişlərini hədəfə alıblar.
Almaz Həsənli
