Estoniya Fitsoya özünün hava məkanından istifadə etməsinə icazəsini verməyib
Estoniya Slovakiyanın Baş naziri Robert Fitsoya 9 May Paradı üçün Moskvaya uçmaq üçün hava məkanından istifadə etmək icazəsini verməyib.
Estoniya Xarici İşlər Nazirliyinin verdiyi məlumata görə, bu barədə Estoniyanın xarici işlər naziri Marqus Tsahkna məlumat verib.
Xarici İşlər Nazirliyi rəhbərinin qeyd etdiyi kimi, Tallinin mövqeyi ötən ildən bəri dəyişməz olaraq qalıb. Estoniya təcavüzkar ölkəyə uçuşlar üçün hava məkanından istifadə etməyə icazə verməyəcək.
"Fitsoya 9 May paradı üçün Moskvaya uçmaq istəyir. Estoniya isə ona hava məkanından istifadə etmək icazəsi yenidən verilməyəcək. Bu parad təcavüzkarı şərəfləndirmək məqsədi daşıyırdı. Biz bunu keçən il rədd etdik və eyni prinsip indi də tətbiq olunur", - deyə Marqus Tsahkna vurğuladı.
O əlavə etdi ki, heç bir dövlət beynəlxalq hüququ kobud şəkildə pozmağa davam edərkən Moskva ilə əlaqələrini gücləndirmək üçün Estoniya ərazisindən istifadə edə bilməz.
Nazir bildirib ki, "Estoniyanın mövqeyi birmənalıdır: Rusiya beynəlxalq normaları pozmağa və Ukraynaya və bütövlükdə Avropa təhlükəsizliyinə qarşı təcavüz etməyə davam edərkən heç bir ölkə Rusiya ilə əlaqələrini gücləndirmək üçün hava məkanımızdan istifadə edə bilməz".
Estoniyada AB və NATO ölkələrinin nümayəndələrinin rəsmi səfərləri üçün uçuş icazələrinin alınması üçün standart prosedur mövcuddur. Lakin hakimiyyət orqanları vurğulayır ki, bu mexanizmlər səfərin təyinat yeri Rusiya Federasiyası olduğu hallara şamil edilmir.
Əziz Mustafa
