Alimlər deyirlər ki, bu sadə üsul içməli sudan zərərli mikroplastikləri çıxara bilər
Mikroplastiklər orqan və toxumalarımızda dərin kök salıb, istehlak etdiyimiz qida və içkilərlə, nəfəs aldığımız hava ilə bədənimizə daxil olur. Bununla belə, kifayət qədər sadə üsul potensial təhlükəli nanohissəciklərin insan orqanizminə daxil olmasının qarşısını almağa kömək edəcək.
İçməli suda mikroplastiklərin konsentrasiyasını azaldmaq üçün onun qaynadılması lazımdır, bu sübutu yeni bir araşdırma təsdiqləyib.
Çindən olan tədqiqatçılar müxtəlif codluqlu suyu sınaqdan keçirib, ona nanoplastiklər və mikroplastiklər əlavə edib, sonra beş dəqiqə qaynadıblar.
“Environmental Science & Technology Letters” jurnalında dərc edilən nəticələrə görə, bu proses nanoplastiklərin konsentrasiyasını yumşaq suda 25 faizdən, daha çox mineral ehtiva edən çox cod suda 90 faizə endirmişdir.
"Bu sadə qaynar su strategiyası nano və mikroplastikləri (NMP) məişət kran suyundan çıxara bilər və su vasitəsilə insanların NMP istehlakını zərərsiz şəkildə azaltmaq potensialına malikdir,"- Quançjou Tibb Universitetinin biotibbi mühəndisi və tədqiqatın müəlliflərindən biri Çjzimin Yu bildirib.
"Qaynadılmış su içmək NMP-lərin qlobal təsirini azaltmaq üçün uzunmüddətli strategiya kimi görünür" deyən müəlliflər öz məqalələrində effektivliyin regiona və suyun keyfiyyətinə görə dəyişə biləcəyinə dair xəbərdarlıq ediblər.
“Çin, Vyetnam və İndoneziya kimi bəzi Asiya ölkələrində qaynadılmış su içmək qədim ənənədir” deyə xatırladıblar.
Güman edilir ki, cod suda çox miqdarda tapılan minerallardan biri olan kalsium karbonat temperatur yüksəldikdə kiçik plastikləri qabıqda saxlayır və ərp əmələ gətirir.
Quançjou Tibb Universiteti və Çzinan Universitetindən olan tədqiqatçılar mikroplastikləri olan ərpdən qorunmaq üçün qeyri-plastik çaydanlar və paslanmayan polad filtrlərdən istifadə etməyi tövsiyə edirlər.
Mikroplastiklər getdikcə daha çox insan sağlamlığı üçün potensial təhlükə kimi tanınır və onları müxtəlif mümkün sağlamlıq problemləri ilə əlaqələndirən tədqiqatların sayı artır.
Keçən il bir araşdırma arteriyalardakı mikroplastikləri infarkt və ya insult riskinin artması ilə əlaqələndirdi.
Başqa bir araşdırma, demensiyadan əziyyət çəkən insanların beyinlərində daha çox mikroplastik konsentrasiyaya sahib olduğunu göstərdi.
Bununla belə, bu tədqiqatlar müşahidə xarakteri daşıyırdı - bir qrupun məlumatlarını digərinin məlumatları ilə müqayisə edir - və səbəb-nəticə təsiri alimlər tərəfindən müəyyən edilməmişdir.
Çin tədqiqat qrupu hesab edir ki, qaynadılmış suyun digər süni materialların bədənə daxil olmasına mane olub-olmadığını öyrənmək üçün əlavə araşdırmalara ehtiyac var.
Müəlliflər, "Nəticələrimiz insanların NMP-lərə məruz qalmasını azaltmaq üçün strategiyaların mümkünlüyünü dəstəklədi və daha çox sayda nümunə ilə gələcək tədqiqatların əsasını qoydu" deyiblər.
Almaz Həsənli
