Marsda nəhəng yeraltı okean tapıldı

Çin, Avstraliya və İtaliyadan olan beynəlxalq alimlər qrupu Marsda nəhəng yeraltı su qatının mövcudluğuna dair sübutlar tapıb. Marsın səthindən 5-8 km aşağıda yerləşir. Tədqiqat “National Science Review” (NSR) elmi jurnalında dərc olunub.
Milyardlarla il əvvəl Mars çaylar və göllərlə örtülmüşdü. Seysmik dalğaların təhlili nəticəsində planetin qabığında titrəyişlərin daha yavaş yayıldığı anomal təbəqə aşkar edilib - maye ilə doymuş məsaməli süxurun xarakterik xüsusiyyəti.
"Bu, nəhəng Mars sulu qatına bənzəyir. Ondakı suyun həcmi 500-800 metr dərinlikdə olan okeanla müqayisə edilə bilər və bütün planeti əhatə edir", - tədqiqatın müəllifləri izah ediblər.
Kəşf NASA-nın 2021-ci ildə meteorit zərbələrini və 2022-ci ildə güclü Mars zəlzələsini qeydə alan “InSight” seysmik missiyasının məlumatları sayəsində edilib.
“InSight”-ın seysmometri bu hadisələrdən qaynaqlanan dalğaların Mars qabığının müxtəlif təbəqələrindən necə keçdiyini qeyd edərək alimlərə gizli su qatını “görməyə” imkan verib.
Kəşf edilmiş su anbarında qədim Mars həyatının izləri ola bilər və gələcək kolonistlər üçün kritik mənbə ola bilər.
Almaz Həsənli