Alimlər sübut etdilər ki, heyvanlar bitkilərin fəryadını "eşidirlər"

Heyvanlar çətin şəraitdə bitkilərin çıxardığı səsləri eşidə bilirlər.

Oxuməni.az xəbər verir ki, bu barədə “BBC” Tel-Əviv Universitetinin mütəxəssislərinin araşdırmasına istinadən məlumat yayıb.

Təl-Əviv Universitetinin alimləri dişi güvələrin xüsusi səslər çıxardıqları üçün stress altında olan pomidor kollarının üzərinə yumurta qoymadıqlarını müşahidə ediblər. Vizual amillərin təsirini istisna etmək üçün tədqiqatçılar laboratoriya təcrübələri keçirdiblər.

Professor Yosi Yovel qeyd edib ki, bu, bitki səslərinə reaksiya ilə bağlı heyvan davranışının qeydə alındığı ilk haldır. “BBC” xəbər verir ki, o, heyvanların qərar qəbul etmək üçün bu cür siqnallardan istifadə edə biləcəyini təklif edib - məsələn, bitkini tozlandırmaq, yemək və ya orada gizlənmək lazım olduğunu müəyyən etmək üçün.

Gələcəkdə elm adamları bitkilərin bir-biri ilə "ünsiyyət" qura bilib-bilməyəcəyini öyrənməyi planlaşdırırlar - məsələn, quraqlıq siqnalı vermək və nəm saxlama mexanizmlərini işə salmaq.

Daha əvvəl, 2023-cü ildə tədqiqatçılar bitkilərin zədələndikdə və ya su olmadıqda səs çıxardığını artıq müəyyən etmişdilər. Bununla belə, vurğulayıblar ki, söhbət adi mənada hisslərdən deyil, yalnız ətrafdakı dəyişikliklərə fiziki reaksiyadan gedir.

Almaz Həsənli