Bağırsaq bakteriyaları yuxumuzu idarə edə bilir

Amerikalı neyrobioloqlar bağırsaqlarımızdakı mikrobların birbaşa beyin fəaliyyətinə təsir etdiyini və yuxu dövrümüzü tənzimləməyə kömək etdiyini aşkar ediblər. Vaşinqton Dövlət Universitetində aparılan bir araşdırma göstərdi ki, bakteriya hüceyrə divarlarındakı maddə olan peptidoqlikan beyinə miqrasiya edə və yuxuya cavabdeh olan genlərin fəaliyyətini dəyişdirə bilər.
Alimlər müşahidə ediblər ki, siçanların beynindəki peptidoqlikan səviyyələri gün ərzində dəyişir, ən aşağı səviyyə isə səhər saatlarında baş verir. Yuxusuzluq onun beynin müəyyən nahiyələrində toplanmasına, təbii yuxu ritminin pozulmasına səbəb olub.
Tədqiqatçılar yuxunun təkcə beyin tərəfindən deyil, həm də insan mikrobiomu tərəfindən idarə olunduğunu iddia edən "holobiontik yuxu" konsepsiyasını təklif ediblər. Professor Erik İnqliş izah edib: "Bu, bədənimizin hüceyrələri ilə onun daxilində yaşayan mikroorqanizmlər arasında birgə səydir".
“Frontiers in Neuroscience” jurnalında dərc edilən araşdırmanın nəticələri bağırsaq və beynin bir-biri ilə sıx bağlı olduğunu və mikrobiomun təbii yuxu ritmimizin formalaşmasında mühüm rol oynadığını təsdiqləyir. Bu tapıntılar mikrob kəşfiyyatı vasitəsilə yuxusuzluq və digər yuxu pozğunluqlarını öyrənmək üçün yeni imkanlar açır.
Almaz Həsənli