10-11 apreldə Azərbaycanda kriminal mənzərə

Polisə yalan məlumatı vermiş Göyçay rayon sakini Orxan Həbubullayev saxlanılmışdır

11 aprel 2011

Aprelin 11-də saat 01.07 radələrində özünü təqdim etməyən şəxs Sabunçu qəsəbəsi ərazisindəki taksofondan DİN-in "102" Xidmətinə zəng edərək "Sabunçuda bomba var" deyərək dəstəyi asmışdır.
Dərhal Sabunçu RPİ-nin əməkdaşlarının həyata keçirdikləri əməliyyat tədbirləri nəticəsində polisə yalan məlumatı vermiş Göyçay rayon sakini Orxan Həbubullayev saxlanılmışdır.

Arvadı Nuranəyə bıçaqla xəsarət yetirmiş Salyan rayonunun Yenikənd kənd sakini Vüqar Məlikov tutulmuşdur

11 aprel 2011

Aprelin 11-də saat 02.10 radələrində Salyan rayonunun Yenikənd kənd sakini Vüqar Məlikov ailə münaqişəsi zəminində arvadı Nuranəyə bıçaqla xəsarət yetirmişdir.
Salyan RPŞ əməkdaşlarının həyata keçirdikləri əməliyyat-axtarış tədbirləri nəticəsində V.Məlikov tutulmuşdur.

Gün ərzində 58 cinayət faktı qeydə alınmışdır

10 aprel 2011

Respublikanın daxili işlər orqanları tərəfindən gün ərzində 58 cinayət faktı qeydə alınmış, onların da 21-i "isti izlər"lə açılmışdır.

• Cinayət Məcəlləsinin müxtəlif maddələri ilə axtarılan 2 nəfər tutularaq istintaq orqanlarına təhvil verilmişdir.
• Respublikanın avtomobil yollarında 4 yol-nəqliyyat hadisəsi baş vermiş, nəticədə 1 nəfər ölmüş, 8 nəfər isə yaralanmışdır.
• 12 yanğın hadisəsi qeydə alınmışdır.
• Daxili işlər orqanları əməkdaşlarının həyata keçirdikləri əməliyyat-axtarış tədbirləri nəticəsində narkotiklərlə əlaqəli 3, qanunsuz saxlanılan silah-sursatla bağlı 2 fakt müəyyən edilmişdir.
• Cinayət törətdiklərinə görə 21 nəfər tutulmuşdur.

Xaçmaz rayonu Niyazabad kənd sakini Töhfənisə Abasovanı qətlə yetirməkdə şübhəli bilinən mərhumun keçmiş əri Arif Abasov tutulmuşdur

10 aprel 2011

Aprelin 9-da Xaçmaz rayonu M.Ə.Rəsulzadə küçəsində Niyazabad kənd sakini Töhfənisə Abasovanın bıçaqla qətlə yetirilmiş meyiti tapılmışdır.
Xaçmaz RPŞ əməkdaşlarının həyata keçirdikləri əməliyyat-axtarış tədbirləri nəticəsində qətli törətməkdə şübhəli bilinən mərhumun keçmiş əri Arif Abasov tutulmuşdur.

v tüfəngindən atəş açaraq Saatlı rayonunun Qaranuru kənd sakini Vüqar Kazımovu qətlə yetirmiş Rövşən Əliyev tutulmuşdur

10 aprel 2011

Aprelin 10-da Saatlı rayonunun Qaranuru kəndi ərazisində kənd sakini Rövşən Əliyev münaqişə zəminində ov tüfəngindən atəş açaraq həmyerlisi Vüqar Kazımovu qətlə yetirmişdir.
Saatlı RPŞ əməkdaşlarının həyata keçirdikləri əməliyyat-axtarış tədbirləri nəticəsində R.Əliyev tutulmuşdur. Ondan müvafiq sənədləri olmayan 1 ədəd ov tüfəngi götürülmüşdür.

Bakı şəhər sakini Nadir Muradova bıçaqla xəsarət yetirmiş Füzuli rayon sakini Afiq Kamilov tutulmuşdur

10 aprel 2011

Aprelin 10-da Beyləqan rayonunun Qəhrəmanlı kəndi ərazisində Füzuli rayon sakini Afiq Kamilov münaqişə zəminində Bakı şəhər sakini Nadir Muradova bıçaqla xəsarət yetirmişdir.
Beyləqan RPŞ əməkdaşlarının həyata keçirdikləri əməliyyat-axtarış tədbirləri nəticəsində A.Kamilov tutulmuşdur.

Qaradağ rayonu ərazisində yol-nəqliyyat

10 aprel 2011

Aprelin 10-da saat 13.15 radələrində Qaradağ rayonu ərazisində Quba rayon sakini Xalidşah Mahmudovun idarə etdiyi "VAZ-2106" markalı və Bərdə rayon sakini Pərvin Məmmədovun idarə etdiyi "Mercedes" markalı avtomaşınlar toqquşmuşdur. Nəticədə X.Mahmudov hadisə yerində ölmüşdür.
DİN BDYPİ tərəfindən araşdırma aparılır.

Saatlı rayonunun Dədə Qorqud kənd sakini Şəhliyar Ağayevin suda boğulmuş meyiti tapılmışdır

10 aprel 2011

Aprelin 9-da saat 10.00 radələrində Saatlı rayonunun Dədə Qorqud kənd sakini, 8 yaşlı Şəhliyar Ağayev evdən çıxmış və geri qayıtmamışdır.
Aprelin 10-da saat 07.40 radələrində Dədə Qorqud kəndinin ərazisindəki su kanalında Ş.Ağayevin suda boğulmuş meyiti tapılmışdır.

Oğurluq etmiş Lənkəran rayon sakini Nadir Əhmədov tutulmuşdur

10 aprel 2011

Xəzər RPİ 1-ci PB əməkdaşlarının həyata keçirdikləri əməliyyat-axtarış tədbirləri nəticəsində aprelin 10-da Qala qəsəbəsi ərazisində tikilmiş evlərdən birində kirayədə yaşayan Lənkəran rayon sakini, əvvəllər məhkum olunmuş Nadir Əhmədov onunla birgə yaşayan Zərdab rayon sakinləri Dilqəm Əvəzzadəyə və Süleyman Əhmədova məxsus 2 ədəd mobil telefonu və geyim əşyalarını oğurladığına görə tutulmuşdur.

Oğurluqda şübhəli bilinən Suraxanı qəsəbə sakini Zülfüqar Əlizadə tutulmuşdur

10 aprel 2011

Sabunçu RPİ 13-cü PB əməkdaşlarının həyata keçirdikləri əməliyyat-axtarış tədbirləri nəticəsində aprelin 10-da Balaxanı qəsəbə sakini Oqtay Məmiyevə məxsus mağazadan 27 manat oğurlamaqda şübhəli bilinən Suraxanı qəsəbə sakini Zülfüqar Əlizadə tutulmuşdur.
Z.Əlizadənin ətrafında aparılmış əməliyyat tədbirləri nəticəsində onun, aprelin 8-nə keçən gecə Bakıxanov qəsəbəsi ərazisində qəsəbə sakini Vüqar Mustafayevə məxsus mağazadan pəncərəni sındırmaq yolu ilə 250 manat və danışıq kartlarını da oğurlaması müəyyən edilmişdir.