Anormal istilər səbəbindən Cənubi Avropada yanğınlar

Cənubi Avropa anomal yüksək temperatur həftəsinə qədəm qoyub. Bir ay ərzində üçüncü isti dalğası Aralıq dənizinin əksər hissəsinə təsir edəcək.

900-dən çox uşağın istirahət etdiyi yay düşərgələri Afina ətrafından evakuasiya edilir. Uzun sürən quraqlıqdan sonra Yunanıstanın paytaxtı ətrafında bir anda bir neçə meşə yanğını baş verdi.

Güclü külək şəhərin cənub, şərq və qərbində eyni vaxtda bir neçə cəbhəyə getməli olan yanğınsöndürənlərin işinə mane olur. Bir neçə ev yanıb. Yerli polis isə şübhəli şəxsi saxlayıb.

İspaniyada şənbə günü La Palma adasında baş verən yanğın nəzarət altına alınıb. Yanğınsöndürənlər bir neçə aktiv cəbhədə fəaliyyət göstərir. Təxminən 3500 hektara yaxın ərazinin və 20-yə yaxın binanın yandığı təxmin edilir. 4000 təxliyə edilənin çoxu artıq öz evlərinə qayıdıb.

Romadakı termometrlər 39ºC-ə çatdı. Bu gün axşam daha da isti hava gözlənilir. İtaliyanın səhiyyə orqanları yaşlı insanları istidən qorumaq üçün tövsiyələr verib və yerli hakimiyyət orqanlarını tibbi yardıma ehtiyacı olduqda çölə çıxmamaq üçün evə zəng xidmətlərini gücləndirməyə çağırıb. Xəstəxanalarda fövqəladə hallar üçün xüsusi mərkəzlər açılıb.

Siciliyada polis bazar günü gecə Kataniya hava limanında baş verən yanğının səbəblərini araşdırır. Gələn çərşənbə gününə qədər bütün uçuşları dayandırıb.

Murad Şahməmməd