Ukrayna Baş Qərargahı: Ordumuz düşmənə ağır zərbələr vurmaqda davam edir

Ukrayna hərbçiləri cənub cəbhəsində iki istiqamətdə uğur qazanıblar.

Oxuməni.az xəbər verir ki, bunu Ukrayna Silahlı Qüvvələrinin Baş Qərargahının sözçüsü Andrey Kovalyov deyib.

Onun sözlərinə görə Bolşaya Novoselka-Staromayorskoe və Novoselka-Staromayorskoye istiqamətlərində Ukrayna Müdafiə Qüvvələrinin hücumları uğurlu olub və onlar azad edilən ərazilərdə möhkəmlənməkdə davam edirlər.

Baş Qərargahın spikerinin sözlərinə görə, Ukrayna hərbçiləri “aşkar edilmiş düşmən hədəflərinə artilleriyadan zərbələr endirir və ona ağır itkilər verirlər”.

Bundan əlavə, Kovalevin sözlərinə görə, Ukrayna Müdafiə Qüvvələri rusların Donetsk vilayətinin Baxmut istiqamətində Orexovo-Vasilyevka kəndi yaxınlığındakı mövqelərini darmadağın ediblər. Onun sözlərinə görə, ukraynalılar Baxmutun şimalında və cənubunda hücum əməliyyatları aparırlar.

Ukrayna Baş Qərargahının məlumatına görə, ruslar böyük itki versələr də, güclü müqavimət göstərirlər. Baxmut ilə yanaşı, Ukrayna Müdafiə Qüvvələri Melitopol və Berdyansk istiqamətlərində də hücum əməliyyatları aparırlar.

Əziz Salamoğlu