Hollandiya sahillərində yük gəmisi yanır, ən azı bir nəfər ölüb, 16 nəfər yaralanıb

26 İyul 2023 15:57

Bəyəndim (0) Bəyənmədim (0)

Hollandiya sahillərində yük gəmisi yanır , avtomobilləri daşıyan gəmidə baş verən yanğın nəticəsində ən azı bir nəfər ölüb, 16 nəfər yaralanıb. Sağ qalan ekipaj üzvləri helikopterlər və xilasedici qayıqlarla təxliyə edilib.

Sağ qalan 23 ekipaj üzvü helikopterlə təxliyə edilib. Ən azı daha 7 nəfər gəmidən atılaraq xilasedici qayıqlarla sahilə çıxarılıb.

Panama bayraqlı "Fremantle Highway" gəmisi Almaniyanın Bremerhaven limanından Port Səidə 3000-dən çox avtomobil daşıyıb.

Təhlükə siqnalı Hollandiyanın Ameland adasından 30 km şimalda gecə yarısından az sonra göndərilib. Krallığın sahil mühafizəsinin sözçüsü "NOS" milli telekanalına müsahibəsində bildirib ki, alovlanma mənbəyi elektrik avtomobilidir.

Xilasedicilər yanğının öhdəsindən gəlməyə, gəmini stabilləşdirməyə və ekoloji fəlakətə çevrilə biləcək batmasının qarşısını almağa çalışırlar.

E.Axund