Mask bildirib ki, ABŞ-da artıq real seçkilər olmayacaq

10 Sentyabr 15:18

Bəyəndim (0) Bəyənmədim (0)

Elon Mask xəbərdarlıq edib ki, Respublikaçılar Partiyasından prezidentliyə namizəd Donald Tramp yarışda məğlub olarsa, ABŞ-da artıq real seçkilər olmayacaq.

"Demək olar ki, bütün Demokratik Partiya liderlərinin açıq şəkildə bəyan etdiyi məqsəd 15 milyona yaxın qeyri-qanuni immiqrantı mümkün qədər tez leqallaşdırmaq və daha on milyonlarla insanı prossə cəlb etməkdir. Bu Amerikanı daimi təkpartiyalı dövlətə çevirəcək” – Mask X-də (əvvəllər Twitter) yazıb.

Daha əvvəl iş adamı çoxlu sayda yoxlanılmamış miqrantın ABŞ-a qanunsuz daxil olmasının ölkə üçün “fəlakət resepti” olduğunu bildirmişdi.

Mask indiki Amerika administrasiyasının miqrasiya siyasətini dəfələrlə tənqid edib. Onun fikrincə, ABŞ hakimiyyəti ölkədə qeyri-qanuni miqrantların cinayətlərinin qarşısını almaq üçün heç bir iş görmür. Mask həmçinin Vaşinqtonun immiqrasiya siyasətini dəyişmədiyi təqdirdə ABŞ-ın sona çatacağını müdafiə etdi.

Oxuməni.az