Çinli videobloqer uçan qılınc yaradıb

Sıçuan əyalətindən (Cənub-Qərbi Çin) olan gənc videobloqer Fan Şisan insanı havaya qaldıra bilən uçan qılınc yaratmaqla bir çox usya- film (Usya və ya Wuxia (çin. 武俠; pinyin: wǔxiá; azərb. "döyüş qəhrəmanları") Qədim Çindəki döyüş sənətçilərinin sərgüzəştləri haqqında olan Çin fantastikasının bir janrıdır)) həvəskarlarının arzusunu gerçəkləşdirib. Onun ixtirasının videosu internetdə sürətlə yayılıb. Oxuməni.az “Jemin Jibaö”ya istinadən xəbər verir ki, bu barədə “Huançyuvan” saytı məlumat yayıb.
Fan Şisan deyir: "Uşaqlıqdan fentezi seriallarının qəhrəmanları kimi qılınc üstündə uçmağı xəyal edirdim. İndi uşaqlıq arzumu reallaşdırmaq qərarına gəldim". Onun sözlərinə görə, uçan qılınc asimmetrik dizaynına görə ənənəvi dronlardan əsaslı şəkildə fərqlənən qılınc formalı uçuş aparatıdır.
Əsas texniki problem uçuşun stabilləşdirilməsi idi. Hazırda cihaz üç dəqiqədən çox havada qala bilir, baxmayaraq ki, tərtibatçı bunun hələ də yarımçıq prototip olduğunu etiraf edir.
2020-ci ildən bəri Fan Şhisanın dörd nəfərdən ibarət komandası artıq usya- filmlərindən məşhur səhnələri təqlid edən bir sıra təsirli videolar hazırlayıb. Gələcəkdə ixtiraçı uçan qılıncını səs idarəsi və süni intellektlə təchiz etməyi planlaşdırır.
"Ümid edirəm ki, gələcəkdə "qılıncla uçmaq" insanların gündəlik həyatının bir hissəsinə çevrilə bilər" deyə Fan Şisan xəyalpərəst şəkildə yekunlaşdırır.
Almaz Həsənli