Tramp Beynəlxalq Cinayət Məhkəməsinə sanksiya tətbiq edəcək

ABŞ prezidenti Donald Tramp bu gün, fevralın 6-da Beynəlxalq Cinayət Məhkəməsinə qarşı sanksiyaların tətbiqi ilə bağlı sərəncam imzalayıb. Bəzi BCM məmurlarına məhdudiyyətlər qoyulub.

Bu barədə NBC News xəbər verir.

Nəşrin məlumatına görə, fərman ABŞ vətəndaşları və ya onların müttəfiqləri ilə bağlı məhkəmənin araşdırmalarına kömək edən BCM rəsmilərinə qarşı həm maliyyə sanksiyaları, həm də viza məhdudiyyətlərini əhatə edir. Sanksiyalar Beynəlxalq Cinayət Məhkəməsinin əməkdaşlarının ailə üzvlərinə də təsir edəcək.

Konkret olaraq, Trampın sərəncamı iddia edir ki, BCM-nin keçən il İsrailin baş naziri Benyamin Netanyahu və bir neçə HƏMAS lideri üçün eyni vaxtda həbs qərarı çıxarıb, “utanc verici mənəvi bərabərlik yaradıb”.

İlk səlahiyyət müddətində Tramp vurğulamışdı ki, BCM-nin Birləşmiş Ştatlarda “heç bir yurisdiksiyası, legitimliyi, səlahiyyəti yoxdur” və nə ABŞ, nə də İsrail Roma Statutunun tərəfləridir.

"ICC son instansiya məhkəməsi kimi yaradılmışdır. Həm ABŞ, həm də İsrail güclü məhkəmə sistemlərinə malikdir və heç vaxt BCM-nin yurisdiksiyasına tabe olmamalıdır", - icraçı sərəncamda izahat yazısında deyilir.

Əziz Mustafa, Oxuməni.az