Trampın yaxın ətrafının məlumatları ictimaiyyətə sızdı
ABŞ Prezidenti Donald Trampın bəzi təhlükəsizlik işçilərinin telefon nömrələri, e-poçt ünvanları və hətta parolları internetdə əlçatan olub, bu barədə “Der Spiegel” yazır.
Oxuməni.az-ın xarici KİV-ə istinadən verdiyi xəbərə görə, sızma arasında Trampın milli təhlükəsizlik müşaviri Mayk Uolts, kəşfiyyat üzrə koordinator Talsi Qabbard və müdafiə naziri Pit Heqsetin məlumatları var.
Məlumatlar kommersiya axtarış sistemlərindən və onlayn yayımlanan istifadəçi məlumatlarından toplanıb. Nömrələrin və ünvanların çoxu hələ də aktivdir və Instagram, LinkedIn və Dropbox-dakı sosial media hesabları, eləcə də fəaliyyət izləmə proqramları ilə əlaqələndirilir. Bu nömrələr həmçinin WhatsApp və Signal messencerləri ilə əlaqələndirilir ki, bu da ciddi təhlükəsizlik təhlükəsi yarada bilər.
“Der Spiegel” ehtimal edir ki, düşmən kəşfiyyat agentlikləri bu məlumatlardan casus proqram quraşdırmaq və yazışmaları ələ keçirmək üçün istifadə edə bilər.
Almaz Həsənli
.jpg)
