Litvanın xarici işlər naziri: Ukraynanın 2030-cu ilə qədər Aİ üzvü ola biləcəyinə inanırıq

Ukraynanın Avropa Birliyinə üzvlük tamamilə mümkündür. Ölkənin bloka daxil olması 2030-cu il yanvarın 1-dən əvvəl baş verə bilər.

Bunu Litvanın xarici işlər naziri Kestutas Budris “Ukraynanın Aİ-yə qəbulu: seçim edilib, bu zaman məsələsidir” konfransında çıxışı zamanı deyib.

"Biz inanırıq ki, Ukraynanın Aİ-yə üzvlüyü tamamilə əldə edilə bilər. Pzidentimin qeyd etdiyi kimi bu, çox konkret tarix sadəcə hansısa ideya deyil. İnanırıq ki, biz bunu edə bilərik ki, 2030-cu il yanvarın 1-də Ukrayna Aİ-yə üzv olsun", - Budris bildirib.

Eyni zamanda, Litva Xarici İşlər Nazirliyinin rəhbəri qeyd edib ki, bu məqsədə çatmaq üçün Ukrayna “çox böyük iş” görməli olacaq.

Ötən il iyunun 25-də Ukrayna rəsmi olaraq Avropa İttifaqına daxil olmaq üzrə danışıqlara başlayıb. Birliyə üzv ölkələrin liderləri müvafiq qərarı hələ 2023-cü ilin sonunda dəstəkləyiblər. Bu yaxınlarda Litva prezidenti Gitanas Nauseda bəyan edib ki, Ukraynanın Avropa İttifaqına daxil olması sürətləndirilməlidir. Onun fikrincə, Ukrayna beş ildən sonra - 2030-cu ildə tamhüquqlu üzv olmalıdır.

Əziz Mustafa. Oxuməni.az