Cənubi Koreyanın keçmiş prezidenti 5 il həbs cəzasına məhkum edilib

Cənubi Koreyanın keçmiş prezidenti Yun Sok Yol 2025-ci ilin yanvar ayında prezident qvardiyası ilə hüquq-mühafizə orqanları arasında baş verən qarşıdurmadan sonra həbsə mane olduğuna görə 5 il həbs cəzasına məhkum edilib. Qərar 16 yanvarda Seul Mərkəzi Rayon Məhkəməsi tərəfindən verilib. Dinləmə “Yonhap News TV” tərəfindən yayımlanıb.
“Yonhap News” Agentliyinin məlumatına görə, " Yun Sok Yol həbsə mane olmaq ittihamı ilə 5 il həbs cəzasına məhkum edilib".
TASS-ın məlumatına görə, məhkəmə Yun Sok Yolun hərbi vəziyyətin tətbiqi ilə bağlı müzakirələr aparmaq üçün 3 dekabr 2024-cü il tarixində keçiriləcək iclasa dəvət etməməklə yeddi kabinet üzvünün hüquqlarını pozduğunu müəyyən edib.
10 may 2022-ci ildən 4 aprel 2025-ci ilə qədər vəzifədə olan Cənubi Koreyanın keçmiş prezidenti hərbi vəziyyətin tətbiqi ilə bağlı yenilənmiş bəyannamə layihəsini hazırlamaqda günahkar bilinib.
İlkin məhkəmə siyasətçinin təhlükəsiz telefon serverlərindəki zəng qeydlərini silməyə cəhd etdiyini müəyyən edib. Məhkəmə həmçinin korrupsiyaya qarşı mübarizə idarəsinin üsyan ittihamlarını araşdırmaq səlahiyyətinə malik olduğuna və buna görə də respublikanın keçmiş liderinin həbs qərarının və onun evində axtarışın qanuni olduğuna qərar verdi.
Oxuməni.az-ın məlumatına görə, 13 yanvarda xüsusi prokurorluq qrupu Yun Sok Yol üçün dövlət sisteminə qarşı üsyan etdiyinə görə ölüm cəzası istəyib. Cinayət məcəlləsinin bu maddəsi ölüm cəzası və ya ömürlük həbs cəzası nəzərdə tutur.
Almaz Həsənli