Vaşinqton Qrenlandiyanın ABŞ-ın tərkibində saxlanmasının dəyərini hesablayır

Ağ Ev indi Qrenlandiyaya nəzarətin ABŞ federal hökumətinə nə qədər baha başa gələcəyini qiymətləndirir. Bundan əvvəl prezident Donald Tramp beynəlxalq qəzəblərə baxmayaraq, Danimarka adasını almaq istədiyini dəfələrlə açıqlayıb. Bu barədə məlumatlı mənbələrə istinadən “The Washington Post” məlumat yayıb.
Onlar bildiriblər ki, administrasiya rəsmiləri son həftələrdə Qrenlandiyanın Birləşmiş Ştatlar tərəfindən ələ keçirilməsinin maliyyə nəticələrini, o cümlədən onun 58 000 sakininə dövlət xidmətlərinin göstərilməsi xərclərini müəyyən etmək üçün addımlar atıb. Ağ Evin Büdcə Ofisində işçilər Qrenlandiya əldə edildiyi təqdirdə onun saxlanması üçün potensial xərcləri hesablayır. Onlar həmçinin ABŞ Xəzinədarlığının Qrenlandiyanın təbii ehtiyatlarından nə qədər gəlir əldə edə biləcəyini hesablamağa çalışırlar.
Seçimlərdən biri Qrenlandiya hökumətinə hazırda adada xidmətlərə subsidiya verən danimarkalılardan daha yaxşı sövdələşmə təklif etmək olardı. Söhbət ildə təxminən 600 milyon dollardan gedir. Mənbələrdən biri qeyd edib ki, “Biz sizə Danimarkadan daha çox pul ödəyəcəyik”.
Administrasiyanın büdcə rəsmiləri hələ də bu xərclərin nə ola biləcəyini müəyyənləşdirməyə çalışırlar, Ağ Ev sözçüsü bildirib. Mənbə, Trampın Kanada və Panama kanalı da daxil olmaqla əvvəllər danışdığı bütün potensial satınalmalardan “o, Qrenlandiyanı ən asan hesab edir”, deyib.
Almaz Həsənli