“Amazon” ABŞ-da “TikTok” almaq üçün müraciət edib

3 Aprel 10:49

Bəyəndim (8) Bəyənmədim (0)

“Amazon”, “TikTok”-un ABŞ bölməsini Çinin “ByteDance”-dən almaq üçün son dəqiqə təklif edib. Bu barədə “The New York Times” mənbələrə istinadən məlumat yayıb.
Təklif ABŞ-ın vitse-prezidenti Cey Di Vensə və ölkənin ticarət naziri Hovard Latnikə ünvanlanmış məktub şəklində göndərilib.
Qəzetin həmsöhbətləri qeyd edirlər ki, “TikTok”-un mülkiyyət strukturunun dəyişdirilməsi ilə bağlı danışıqlarda iştirak edən müxtəlif tərəflər “Amazon”-un təklifini ciddi qəbul etmirlər.
“Amazon” şərh verməkdən imtina edib.
“The New York Times” qeyd edir ki, Tramp aprelin 2-də Ağ Evin yüksək səviyyəli rəsmiləri ilə “TikTok”-un gələcəyini müzakirə etmək üçün görüş keçirməyi planlaşdırır. Potensial sövdələşmə yeni amerikalı investorların şirkətin rəsmi satışı olmadan sosial şəbəkənin kapitalına daxil olmasını əhatə edə bilər.
Almaz Həsənli