Putin və Trampın xüsusi nümayəndələri Vaşinqtonda danışıqlar aparır

3 Aprel 11:27

Bəyəndim (4) Bəyənmədim (0)

Vaşinqtonda Rusiya Birbaşa İnvestisiya Fondunun rəhbəri, Rusiya prezidentinin xarici ölkələrlə iqtisadi əməkdaşlıq üzrə xüsusi nümayəndəsi Kiril Dmitriyev və ABŞ prezidentinin xüsusi nümayəndəsi Stiv Vitkoff danışıqlar aparır. Bu barədə “The Washington Post” mənbəyə istinadən məlumat yayıb.
Nəşrin məlumatına görə, tərəflər ikitərəfli münasibətləri və Ukraynadakı münaqişənin həlli yollarını müzakirə edirlər.
“Bloomberg”-in qeyd etdiyi kimi, Birləşmiş Ştatlar görüşün Donald Trampın Rusiya prezidenti Vladimir Putinə qarşı “qıcıqlanması” ilə bağlı bəyanatlarından sonra gərginliyi azaltmağa kömək edəcəyini gözləyir. Bir gün əvvəl Amerika mediası Dmitriyevlə Vitkoff arasında görüşün Ağ Evdə baş tuta biləcəyini yazmışdı.
Bu, Rusiya və Amerika xüsusi nümayəndələri arasında ilk görüş deyil. Bu ilin fevralında Dmitriyev Rusiya nümayəndə heyətinin tərkibində Rusiya və ABŞ nümayəndələri arasında danışıqların aparıldığı Ər-Riyada olub.
Almaz Həsənli