Almaniyanın 5 min nəfərlik hərbi briqadası Litvada Belarusla sərhədə yaxın ərazidə yerləşdiriləcək

2 Aprel 08:43

Bəyəndim (2) Bəyənmədim (0)

Almaniya İkinci Dünya Müharibəsindən sonra ilk dəfə olaraq öz qoşunlarını daimi olaraq başqa ölkədə yerləşdirməyə başlayıb. 5 min nəfərlik briqada Litvada Belarusla sərhədə yaxın ərazidə yerləşdiriləcək. Bu briqada NATO-nun şərq cinahını gücləndirməyə qadirdir və Rusiya təhlükəsinin qarşısını almağa xidmət edir.
Almaniya NATO-nun şərq cinahını gücləndirmək üçün Litvaya 4800 əsgərdən və buna əlavə olaraq 200 mülki şəxsdən ibarət tank briqadasını yerləşdirməyə başlayır. Bu barədə “Politico” nəşri məlumat yayıb. Bu, İkinci Dünya Müharibəsindən sonra alman qoşunlarının başqa ölkədə ilk daimi dislokasiyasıdır.

Bundesverin 10-cu Panzer Diviziyasından briqada generalı Kristof Huberin komandanlığı altında 45-ci tank briqadası Litvanın paytaxtı Vilnüsdən 30 km cənubda yerləşən Rudninkay şəhərindəki hərbi bazada yerləşdiriləcək. Quruplaşmaya 122-ci Panzer Qrenadier Batalyonu , 203-cü Tank Batalyonu, 455-ci Özüyeriyən Artilleriya Diviziyası və bir sıra digər bölmələr daxil olacaq.

Əziz Mustafa. Oxuməni.az