BMT-nin baş katibi vəzifəsinə yeni namizəd məlum olub

2 Aprel 11:39

Bəyəndim (4) Bəyənmədim (0)

MAQATE rəhbəri Rafael Qrossi 2026-cı ildə BMT-nin baş katibi vəzifəsinə öz namizədliyini irəli sürməyi planlaşdırır.Bu barədə Oxuməni.az ”La Nacion”a istinadla xəbər verir.
“Quterreşin varisinin seçilməsi prosesi hələ başlamayıb, ilin sonunda Birləşmiş Millətlər Təşkilatının Baş Assambleyası çərçivəsində namizədlərin irəli sürülməsi ilə bağlı müvafiq çağırış dərc edildikdən sonra başlayacaq... Mən bu barədə düşünürəm və çox ciddi düşünürəm”, – nəşr Qrossinin sözlərini sitat gətirib.
BMT-nin hazırkı baş katibi Antonio Quterreşin səlahiyyətləri gələn il başa çatır. MAQATE-nin rəhbəri təyin olunana qədər Qrossi Argentinanın Avstriyadakı səfiri vəzifəsində və digər yüksək vəzifələrdə çalışıb.
O, ilk dəfə 2019-cu ildə MAQATE-nin rəhbəri olub. Dörd ildən sonra yenidən bu vəzifəyə seçilib. Mart ayında Qərb mediası artıq Qrossinin səlahiyyətli dairələrdə Quterreşin varisi kimi daha çox adlandırıldığını yazmışdı.
Almaz Həsənli