Ərdoğan Suriya ilə bağlı ABŞ və Rusiya prezidentləri ilə əlaqə saxladığını deyir

12 Aprel 12:22

Bəyəndim (0) Bəyənmədim (0)

Türkiyə prezidenti Rəcəb Tayyib Ərdoğan bildirib ki, Ankara Suriya məsələsində Rusiya və Amerika rəhbərliyi ilə sıx dialoq aparır. Bu barədə “Anadolu” məlumat yayıb.

“Türkiyə Suriyanın ərazi bütövlüyünün qorunmasını təmin etmək üçün Donald Tramp və Vladimir Putin də daxil olmaqla, bölgədəki nüfuzlu oyunçularla sıx dialoq aparır”.

Fevral ayında Ərdoğan və Suriyanın keçid prezidenti Əhməd əl-Şaraa Ankarada Suriyada təhlükəsizlik və iqtisadi əlaqələrə dair danışıqlar aparıb.

2024-cü il noyabrın sonunda silahlı müxalifət qrupları Suriya ordusunun mövqelərinə qarşı genişmiqyaslı hücuma keçib. Dekabrın 8-də onlar Dəməşqə daxil oldular, Bəşər Əsəd Suriya prezidenti vəzifəsindən istefa verdi və ölkəni tərk etdi. Dekabrın 10-da İdlib vilayətində qondarma Qurtuluş Hökumətinə rəhbərlik edən Məhəmməd əl-Bəşir keçid dövrü üçün Suriya hökumətinin başçısı təyin olunduğunu açıqlayıb.

Əziz Mustafa, Oxuməni.az