Suriyada druzlarla hökumətyönlü qüvvələr arasında toqquşmalarda 14 nəfər ölüb

Böyük Britaniyada yerləşən Suriya İnsan Haqları Müşahidə Qrupunun verdiyi məlumata görə, Suriyanın paytaxtının ətrafında hökumətyönlü qüvvələrlə yerli druzlar arasında toqquşma nəticəsində azı 14 nəfər həlak olub. Bu barədə Oxuməni.az “Euronews”a istinadla xəbər verir.

Caramanadakı atışmalar Suriyada prezident Bəşər Əsəd rejiminin devrilməsindən sonra dekabrda baş verən məzhəb zorakılığının son epizodudur.

Onlar sosial şəbəkələrdə bir nəfərin Məhəmməd peyğəmbəri təhqir etdiyi iddia edilən audio çarxın yayılmasından sonra başlayıb. Onun müəllifliyi druz keşişinə aid edilmişdi, sonradan o, bununla heç bir əlaqəsi olmadığını iddia etdi.

Görüntülər bir çox sünni müsəlmanı qəzəbləndirib və əsasən druzların yaşadığı Caramana şəhərində toqquşmalara səbəb olub.

İnternetdə yayımlanan videoda keşiş deyib: “Mən səs yazısının mənim tərəfimdən edildiyini qəti şəkildə inkar edirəm”.

“Mən bunu deməmişəm və bunu edən şəxs Suriya xalqının bəzi hissələri arasında düşmənçilik yaratmaq istəyən şər adamdır”, - deyə kişi bildirib.

Suriya Daxili İşlər Nazirliyi, ilkin məlumata görə, din xadiminin iştirak etmədiyini bildirib. Nazirlik qanuna riayət etməyə və qanunsuz hərəkətlərə yol verməməyə çağırıb.

Nazirliyin sözçüsü Mustafa əl-Abdo bildirib ki, ölənlər arasında Suriya Baş Təhlükəsizlik Xidmətinin iki əməkdaşı var.

Suriya İnsan Haqlarını Müşahidə Qrupunun məlumatına görə, ən azı Caramanadan olan 7 druz və təhlükəsizlik qüvvələrinin 7 üzvü öldürülüb.

Səlahiyyətlilər təhlükəsizlik tədbirlərini gücləndirərək hadisə yerinə əlavə bölmələr göndərib.

Druzlar Yaxın Şərqdə ərəblərin qapalı etno-konfessional qrupudur. Onlar ismaili şiəliyinə əsaslanan xüsusi tövhid dininə etiqad edirlər.

Dünyada bir milyona yaxın druz yaşayır, onların yarıdan çoxu Suriyada, həmçinin Livan və İsraildə yaşayır.

Almaz Həsənli