Putin Zelenski ilə görüşdən imtina edib
Vladimir Putin Vladimir Zelenskinin yüksək səviyyəli görüşlər keçirmək təkliflərini rədd edib.
Bu barədə Rusiya mətbuatı məlumat yayıb.
Rusiya prezidenti öz mövqeyini Kiyev rəhbərliyinin “terror aktları” təşkil etməyə keçməsi ilə izah edib.
Kiyev rəhbərliyi “terror aktları” təşkil etməyə keçib. Və eyni zamanda yüksək səviyyəli görüşü xahiş edirlər. Bəs bu şəraitdə belə görüşlər necə keçirilə bilər? Nə danışmalıyıq? “Terrora güvənənlərlə, terrorçularla” kim danışıqlar aparır? Və niyə düşmənçilikdən möhlət verməklə onları həvəsləndirmək lazımdır? – Rusiya prezidenti bildirib.
May ayında Putin Ukrayna liderinin Rusiya-Ukrayna danışıqları çərçivəsində İstanbulda şəxsən görüşmək çağırışını artıq rədd etmişdi. Bir həftə əvvəl Zelenski yeni təşəbbüslə çıxış etdi – o, Putin və Trampın iştirakı ilə üçtərəfli görüşün təşkilini təklif etdi.
Almaz Həsənli
