Tramp əlavə dəstək barədə açıqlama verib

ABŞ prezidenti Donald Tramp Ukraynaya dəstəyini davam etdirmək istəyir. Amma onun əsas məqsədi qanı dayandırmaqdır.

RBC-Ukrayna xəbər verir ki, amerikalı lider bu barədə Ağ Evdə Almaniya kansleri Fridrix Merzlə görüşü zamanı bildirib.

Jurnalistlər Trampdan Ukraynanı dəstəkləməyə davam edib-etməyəcəyini soruşublar.

"Bəli, mən Ukraynanın yanındayam. Biz indicə Ukrayna ilə nadir torpaq metalları üzrə böyük müqavilə imzalamışıq. Və biz bunu istəyirik. Bilirsiniz, mən qətlin dayandırılmasının tərəfdarıyam. Mən həqiqətən də bunu istəyirəm" deyə cavab verib.

Tramp əlavə edib ki, Rusiyanın Ukraynaya qarşı müharibəsi heç vaxt başlamamalı idi.

Trampın sözlərinə görə, Ukraynada “dünyanın ən gözəl qüllələri” olub. İndi isə onların “hamısı parça-parça olub”. O, yəqin ki, Ukrayna kilsələrinin günbəzlərini nəzərdə tuturdu.

"Ölkəni mədəniyyətindən məhrum etdilər. Ölkəni irsindən məhrum etdilər. Dəhşətdir. Amma əsas odur ki, yenə ölümdür. Həftədə beş mindən çox insan", - prezident bildirib.

Əziz Mustafa, Oxuməni.az