İsrail İranın raket buraxılış qurğularının yarıdan çoxunu məhv edib

07:47

Bəyəndim (2) Bəyənmədim (0)

İsrailin baş naziri Benyamin Netanyahu bildirib ki, İsrail İranın raket buraxılış qurğularının yarıdan çoxunu məhv edib. O, bu barədə İsrailin Kan 11 telekanalında bildirib.

Cənab Netanyahu İsrailin müdafiə naziri İsrael Katsın “Xamenei mövcud olmamalıdır” sözlərini də şərh edib. “Biz imkan verməliyik ki, hərəkətlər sözlərdən daha yüksək səslə danışsın”, - İsrailin baş naziri deyib.

Benyamin Netanyahu müttəfiqlərin mümkün dəstəyinə də diqqət yetirib. O bildirib ki, İranın nüvə obyektlərinə zərbələr məsələsində “istənilən yardım xoşdur”.

Bundan əvvəl “The Wall Street Journal” ABŞ prezidenti Donald Trampın İrana qarşı hərbi əməliyyat layihəsini təsdiqlədiyini, lakin İslam Respublikasına bir az vaxt vermək qərarına gəldiyini yazıb.

Əziz Mustafa, Oxuməni.az