İranda xarici neft tankeri ələ keçirilib

15:12

Bəyəndim (2) Bəyənmədim (0)

İran hakimiyyəti Oman körfəzində 2 milyon litr qaçaqmal yanacaq daşıyan xarici neft tankerini saxlayıb. İranın Mehr xəbər agentliyinin verdiyi məlumata görə, Hörmüzqan vilayətinin hakimi Müctəb Ghahremani gəminin həbs olunduğunu elan edib.

Yerli hakimiyyət tankerin milliyyətini hələ dəqiqləşdirməyib.

Bildirilir ki, gəmi daşınan yüklə bağlı sənədlərin natamam olması səbəbindən saxlanılıb. Daha sonra Jask şəhər prokurorluğu qaçaqmalçılıq maddəsi ilə cinayət işi açıb. Kapitan da daxil olmaqla 17 ekipaj üzvü də həbs edilib. Hazırda neftin mənşəyini və gəmidəki dəqiq həcmini müəyyən etmək üçün tədqiq edilir.

Reuters xəbər agentliyinin məlumatına görə, İran quru və dəniz yolu ilə ölkədən irimiqyaslı neft qaçaqmalçılığı ilə fəal mübarizə aparır. Subsidiyaların təsiri və milli valyutanın məzənnəsinin kəskin şəkildə aşağı düşməsi nəticəsində bu ölkə hazırda dünyada yanacağın ən aşağı qiymətinə sahibdir.

Əziz Mustafa