Ağ Ev TikTokda rəsmi səhifəsini açıb

Ağ Evin rəsmi TikTok hesabı çərşənbə axşamı axşam saatlarında yaradılıb. Oxumənii.az xəbər verir ki, bu barədə “TASS” məlumat yayıb.

“Reuters” xəbər verir ki, @whitehouse Ağ Evin rəsmi TikTok səhifəsi bir saat ərzində minlərlə bəyənmə və şərh alan Donald Trampın nailiyyətləri haqqında video ilə işə başlayıb.

İlk 27 saniyəlik nəşr prezident Donald Trampın uğurlarına həsr olunub və "Amerika, biz qayıtdıq! Nə var, TikTok?" başlığı ilə müşayiət olunub.

Videoda Tramp deyib: "Mən hər gün bu ölkədəki insanlara daha yaxşı həyat təmin etmək üçün oyanıram. Mən sizin səsinizəm".

“Newsweek”-in məlumatına görə, bu video ilk saatda 7,5 mindən çox bəyənmə və 500 şərh toplayıb.

Avqustun 20-də səhər saatlarında Ağ Evin profili 63,5 mindən çox abunəçi toplayıb və dərc edilmiş üç video ümumilikdə 102,1 min bəyənmə alıb.

İlk video 44,5 min bəyənmə və 12,6 min şərh toplayıb. Ağ Evin mətbuat katibi Kerolayn Livitt canlı efirdə qeyd edib ki, Tramp administrasiyası prezidentin uğurları haqqında məlumatları çatdırmaq üçün mümkün qədər çox platformadan istifadə etməyə çalışır.

“Reuters” bildirir ki, Trampın özü də kampaniyasında TikTok-dan fəal şəkildə istifadə edib, @realdonaldtrump profilinin 15 milyondan çox abunəçisi var.

Almaz Həsənli