Keçmiş Pentaqon generalı İran və Ukrayna ilə bağlı məxfi məlumatları ötürdüyünü etiraf edir

Pentaqonun Birləşmiş Qərargah Rəisləri Komitəsinin strateji planlaşdırma üzrə keçmiş rəisi general-leytenant Brett Silviya bir il ərzində Ukrayna və İranla bağlı məxfi məlumatları müxtəlif media orqanlarından iki müxbirə ötürdüyünü etiraf edib.

Oxuməni.az xəbər verir ki, Axios istintaq hesabatına istinadən məlumat yayıb. Portala görə, Silviya dörd poliqrafiya testindən keçə bilmədikdən sonra günahını etiraf edib. Hesabatda deyilir ki, "O, bir neçə yalan detektoru testindən keçməkdə çətinlik çəkib".

Məlumata görə, general "mediaya icazəsiz məlumat verməkdə" ittiham olunur.

Hesabatda Silviyanın "məlumat sızdırmasının" 2025-ci ilin iyun ayında başladığı qeyd olunur. Həmçinin generalın Pentaqonun İctimaiyyətlə Əlaqələr İdarəsi ilə müxbirlərlə görüşlərini əlaqələndirmədiyi və "məlumatı müxbirə verməzdən əvvəl yoxlanılmasını təmin etmədiyi" vurğulanır.

ABŞ Hərbi Katibi Pit Heqsetin Birləşmiş Qərargah Rəislərinin Strateji Planlar İdarəsinin rəhbəri general-leytenant Sylvianı vəzifəsindən azad etdiyi bildirilib.

"Atlantic" jurnalı xəbər verir ki, "bu həftənin əvvəlində Pentaqonun baş planlayıcısı, ordu general-leytenantı Brett Sylvia Birləşmiş Qərargah Rəislərindən işdən çıxarılıb. Heç bir izahat verilməyib".

Əziz Mustafa