AB və Kanada "gələcək üçün ittifaq" qurmaq niyyətindədirlər

Avropa Komissiyasının (AK) prezidenti Ursula fon der Leyen cümə axşamı Monrealda AB və Kanadanın "gələcək üçün ittifaq" qurmaq planlarını açıqladı.

Oxuməni.az xəbər verir ki, o, bu barədə C.D. Howe İnstitutu tərəfindən təşkil edilən görüşdə Kanada auditoriyasına müraciət edərkən bildirib. Ursula fon der Leyen, həmçinin AB üzv dövlətlərinin şübhələrinə baxmayaraq, Ottavanın "assosiativ üzvlüyü" təşəbbüsünü təkrarladı.

"Artan rəqabət dünyasında suverenlik və müstəqillik artıq sadəcə təkbaşına hərəkət etmək azadlığı deyil. Bu, birlikdə hərəkət etmək qabiliyyətidir. Buna görə də gələcək üçün ittifaq quracağıq və biz Kanada ilə başlayırıq. Birlikdə iqtisadi artım və rifah, dayanıqlıq və iqtisadi təhlükəsizlik üçün ortaq bir məkan yaratmaq istəyirik", - deyə AK prezidenti C.D. Howe İnstitutu tərəfindən təşkil edilən görüşdə Kanada auditoriyasına müraciət edərkən bildirib.

Nümunə olaraq, o qeyd etdi ki, "vaxtilə sabitliyin qarantı hesab etdiyimiz tək bir təchizatçı ilə əlaqələr getdikcə təzyiq alətlərinə çevrilir".

"Enerji, yarımkeçiricilər və ya vacib xammal haqqında düşünün. Ticarət iqtisadi təzyiq alətinə çevrildikdə, ailələr bədəli ödəyirlər - supermarket rəflərindən tutmuş yeni avtomobilin qiymətinə qədər. Biz suverenliyimizə necə hücum edildiyini real vaxt rejimində görürük", - deyə fon der Leyen davam etdi.

O, iki variantın olduğunu söylədi.

"Təkbaşına hərəkət etmək , hər bir ölkə və ya iqtisadiyyat öz imkanlarını qurmağa diqqət yetirərək, hər kəsi daha az təhlükəsiz və daha təcrid olunmuş hiss etməyə vadar edir. Yaxud eyni çətinliklərlə üzləşən, lakin cavab verməli olduğu fərqli aktivlərə malik etibarlı tərəfdaşlarla daha strateji bir yanaşma seçə bilərik", - deyə AK prezidenti izah etdi.

Eyni zamanda, o, Kanada və AB-nin ikitərəfli şəkildə daha çox şey edə biləcəyinin aydın olduğuna inanır.

"Coğrafi mövqeyinə görə Kanada Aİ-nin tamhüquqlu üzvü ola bilməz, amma ikimiz də münasibətlərimizi mümkün olan ən yüksək səviyyəyə qaldırmaq istəyirik. Buna görə də Kanadanın Avropa İttifaqının ilk assosiativ üzvü olması ideyasını müzakirə edirik. Bizim ideyamız sadədir: "qoşulmadan assosiasiya". Lakin biz qoşulmanı "ortaq məqsəd və vizyon" ilə əvəz edə bilərik. Biz süni intellektdən və iqlimdən tutmuş enerjiyə və ya təhlükəsizliyə qədər hər şey üzərində işləyə bilərik", - deyə fon der Leyen israr etdi.

Zirvə görüşündən sonra birgə bəyanatın qəbul edilməsi gözlənilir.

Bir gün əvvəl "Politico" qəzeti Almaniya, İtaliya, Yunanıstan və Fransa da daxil olmaqla bir qrup ölkənin birgə bəyanatda "assosiativ üzv" statusunun qeyd edilməsinə etiraz etdiyini bildirmişdi. Nəşrin məlumatına görə, bunun əvəzinə, "daha sıx tərəfdaşlıq"ı nəzərdə tutan daha yumşaq dildən istifadə olunacaq.

Əziz Mustafa