Ermənistana qaçan çeçen əsilli Ayşat Baymuradovanın meyiti tapılıb

14:11

Bəyəndim (1) Bəyənmədim (0)

Ermənistana qaçan çeçen qadın Ayşat Baymuradova İrəvanda kirayədə qaldığı mənzildə ölü tapılıb. Oxuməni.az “Novayagazeta.eu”-ya istinadən xəbər verir ki, bu barədə Ermənistan polisi məlumat yayıb.
Baymuradova hüquq müdafiəçilərinin köməyi ilə evindən qaçaraq Rusiyanı tərk edib. Oktyabrın 17-də ailəsi onun itdiyini bildirib.Onlar bildiriblər ki, o, oktyabrın 15-də axşam saatlarında İnstaqramdan olan rəfiqəsi ilə görüşə gedib və bir daha geri qayıtmayıb. Bu rəfiqənin abunəçiləri arasında Çeçenistan lideri Ramzan Kadırova yaxın adamlar da olub.
Qadın dostlarından gələn zənglərə və mesajlara cavab verməyib. Onlar Baymuradovanın zorla Çeçenistana qaytarıla biləcəyindən şübhələnirdilər.
Ermənistan polisinin məlumatına görə, oktyabrın 19-da İrəvanın Dəmirçyan küçəsindəki kirayə mənzildə çeçen qadının meyiti tapılıb. Faktla bağlı araşdırma aparılır.
Almaz Həsənli