Rusiya Ermənistanla "Tramp yolu" barədə məsləhətləşməyə hazırdır

Rusiya "Tramp yolu" təşəbbüsünün parametrləri və Rusiyanın mümkün iştirakı barədə Ermənistanla məsləhətləşməyə hazırdır. Bu barədə “RİA Novosti”-yə Rusiya Xarici İşlər Nazirliyinin MDB ölkələri dördüncü departamentinin direktoru Mixail Kalugin məlumat verib.
Diplomatın sözlərinə görə, "bunun üçün kifayət qədər əsas var". Kalugin qeyd edib ki, söhbət üçtərəfli işçi qrupu çərçivəsində razılaşdırılmış marşrutun bir hissəsindən gedir.
Rusiya XİN nümayəndəsi bildirib ki, Rusiya şirkəti "Cənubi Qafqaz Dəmir Yolları" - "RJD" ASC-nin törəmə şirkəti - Ermənistanın dəmir yolu şəbəkəsinə nəzarət etmək üçün imtiyaz hüququna malikdir. Cənubi Qafqazda Rusiya dəmir yolu eni istifadə olunur. "Tramp yolu" əsasən Rusiya sərhədçilərinin cavabdehlik zonasından keçəcək.
Kalugin əlavə edib ki, Ermənistanın Avrasiya İqtisadi İttifaqına üzvlüyü amilini də nəzərə almaq lazımdır. Diplomatın fikrincə, aydındır ki, Rusiya olmadan Ermənistanın işi çətin olacaq.
2025-ci il avqustun 8-də Ermənistanın Baş naziri Nikol Paşinyan və Azərbaycan Prezidenti İlham Əliyev Vaşinqtonda ABŞ Prezidenti Donald Trampın iştirakı ilə döyüş əməliyyatlarının dayandırılması haqqında bəyannamə imzalayıblar. Saziş, digər məsələlərlə yanaşı, "Tramp marşrutunun" - Azərbaycanı Ermənistan ərazisindən keçərək Naxçıvanla birləşdirəcək və ABŞ tərəfindən nəzarət ediləcək bir dəhlizin açılmasını nəzərdə tutur.
Noyabrın 16-da İlham Əliyev bildirib ki, Zəngəzur dəhlizinin ("Tramp marşrutu") Azərbaycan ərazisində tikintisi başa çatmaq üzrədir.
Almaz Həsənli