ABŞ, Almaniya və Çini özündən geridə buraxdı: Dünyanın ən varlı ölkəsi seçildi

Norveç dünyanın ən yüksək ümumi milli gəliri və "balanslaşdırılmış sosial model" sayəsində reytinqdə birinci yerdədir.
Mütəxəssislərin fikrincə, Norveç 2026-cı ildə dünyanın ən varlı ölkəsi olacaq.
Euronews-a görə, son illərin iqtisadi çətinliklərinə, xüsusən də Ukraynadakı müharibə ilə bağlı çətinliklərinə baxmayaraq, Avropa ölkələri yenidən ən varlı ölkələrin yeni qlobal reytinqində birinci yeri tutublar.

HelloSafe-in təhlilində qeyd olunur ki, "Dünyanın ən varlı ölkəsi olmaq sadəcə çox məhsul istehsal etmək demək deyil. Bu, həmin sərvətin əslində orta statistik vətəndaşın gündəlik həyatına nə qədər təsir etməsi ilə ölçülür".

Ekspertlər Norveçin 2026-cı ildə dünyanın ən varlı ölkəsi olacağını proqnozlaşdırırlar. Skandinaviya ölkəsi ən yüksək ümumi milli gəliri və "balanslı sosial modeli" sayəsində reytinqdə birinci yerdədir.

İrlandiya ikinci yerdədir: əhalisinin real gəliri, şişirdilmiş ÜDM-ni nəzərə alsaq belə, çox yüksək olaraq qalır. Üçüncü yerdə sərvət indeksinin yaranmasından bəri ilk dəfə birinci yerdən geriləyən Lüksemburq gəlir.

Bu ölkələr güclü iqtisadi göstəriciləri dünyanın ən yaxşı sosial göstəriciləri ilə birləşdirir.

Digər liderlər arasında yüksək insan inkişafı göstəriciləri və aşağı nisbi yoxsulluq səviyyəsi sayəsində beşinci yerdə olan İslandiya da var.

Sinqapur da çox yüksək gəlirlərə malikdir, lakin onun mövqeyi əhali arasında gəlirlərin bölünməsində güclü fərq olduğu səbəbindən dünya reytinqində yüksək yerlərdən birində deyil.

Əziz MUSTAFA