Türkiyənin hücum məqsədilə başqa bir ölkəyə qoşun göndərmək niyyəti yoxdur

20:11

Bəyəndim (0) Bəyənmədim (0)

Məkkə Alyansı tamamilə müdafiə xarakteri daşıyır və Ankara hücum məqsədilə başqa bir ölkəyə qoşun göndərməyəcək.

Oxuməni.az xəbər verir ki, bu barədə Türkiyənin xarici işlər naziri Hakan Fidan bildirib.

"Mən açıq şəkildə bildirirəm ki, bu müqavilə yalnız müdafiə məqsədi daşıyır. Bu müqaviləni imzalayan bir ölkəyə hücum edildikdə, siz onların yanında durmalı və onları müdafiə etməlisiniz. Bu, hücum etmək üçün razılaşma deyil. Türkiyə hücum etmək üçün başqa bir ölkəyə qoşun göndərməyəcək", - deyə o, macarıstanlı həmkarı Anita Orban ilə Ankarada keçirilən mətbuat konfransında bildirib.

O, əlavə edib ki, Məkkə Sazişi çərçivəsində əməkdaşlıq "irəliləyir və hərbi nümayəndə heyətləri [Səudiyyə Ərəbistanının] əməliyyat sahəsində hansı müdafiə tədbirlərinə ehtiyacı olduğunu, Pakistanın və Türkiyənin nəyə töhfə verə biləcəyini müəyyən etmək üçün birlikdə çalışacaqlar".

Əziz Mustafa