Bolqarıstan klubu sağ olduğu üzə çıxan futbolçunun xatirəsini bir dəqiqəlik sükutla yad etdiyi üçün üzr istəyib

19 Mart 15:45

Bəyəndim (2) Bəyənmədim (0)

Bolqarıstanın "Arda" futbol klubu keçmiş futbolçusu Petko Qançevdən səhvən bir dəqiqəlik sükutla çıxış etdiyinə görə üzr istəyib.Bu barədə Oxuməni.az “Sportbox.ru”ya istinadla xəbər verir.
Bazar günü, martın 16-da “Arda” Bolqarıstan çempionatının 25-ci turunun “Levski” ilə ev oyunundan əvvəl Qançevin xatirəsini bir dəqiqəlik sükutla yad edib. Bununla belə, hələ oyun başa çatmamış klubun mətbuat xidməti onlara yanlış məlumat verildiyini və keçmiş futbolçunun sağ olduğunu bildirib.
“Arda” rəhbərliyi komandanın sabiq futbolçusu Petko Qançev və yaxınlarından kluba onun ölümü ilə bağlı yanlış məlumat daxil olduqdan sonra üzr istəyir. Petko Qançevə uzun illər cansağlığı və uğurlar arzulayırıq”, - komandanın sosial şəbəkələrdə yaydığı bəyanatda deyilir.
“Arda” 41 xalla Bolqarıstan çempionatının turnir cədvəlində beşinci yerdədir.
Almaz Həsənli