Çexiyalı Menşik Cokoviçin karyerasında 100-cü titulunu qazanmasına mane olaraq Mayamidə keçirilən tennis turnirinin qalibi olub

31 Mart 12:02

Bəyəndim (2) Bəyənmədim (0)

Çexiyalı tennisçi Yakub Menşik Mayamidə (ABŞ) keçirilən “Masters” turnirinin finalında dünyanın keçmiş bir nömrəsi serbiyalı Novak Cokoviçə qalib gəlib.
19 yaşlı çex iki tay-brekdə qalib gəlib: 7:6 (7:4), 7:6 (7:4). Tennisçilər kortda 2 saat 3 dəqiqə vaxt keçiriblər.
37 yaşlı Cokoviç karyerasında 100-cü təklik titulunu əldən verdi. Menşik karyerasında ilk ATP titulunu qazandı. ATP reytinqinin yenilənmiş versiyasında Menşik karyerasında ən yüksək göstərici olmaqla 24-cü yeri tutacaq.
Oyundan əvvəl jurnalist Xose Moron qeyd edib ki, Cokoviç matçdan əvvəl kiçik fiziki çətinliklərlə üzləşib: serbin üzünün sağ tərəfində görünən şişlik var idi.

Almaz Həsənli