Dövlət Neft Şirkətində intihar

26 Sentyabr 2013 12:38

Bəyəndim (0) Bəyənmədim (0)

Təsərüffat işçisi otaqlardan birində özünü asıb

Azərbaycan Respublikası Dövlət Neft Şirkətində (ARDNŞ) intihar hadisəsi baş verib.

Səbail rayon Polis İdarəsindən Apa-ya verilən məlumata görə, hadisə bu gün şirkətin "Azneft" dairəsində yerləşən baş ofisində qeydə alınıb. ARDNŞ-in sosial inkişaf idarəsinin təsərrüfat işçisi Kamran Seyidov baş ofisin binasında təsərrüfat işləri ilə məşğul olarkən otaqlardan birinə daxil olaraq orada özünü asıb. Hadisə yerinə polis və prokurorluq əməkdaşları gedib. Mərhumun meyiti müayinə edilmək üçün ekspertizaya göndərilib. Onun hansı səbəbdən intihar etməsi hələlik məlum deyil.

Faktla bağlı Səbail Rayon Prokurorluğu tərəfindən araşdırma aparılır. ARDNŞ-nin mətbuat xidmətinin rəhbəri Nizaməddin Quliyev faktı təsdiqləyib.

O.M.