Türkiyənin və ABŞ-ın müdafiə nazirləri arasında telefon danışığı olub

11 İyul 2023 10:49

Bəyəndim (0) Bəyənmədim (0)

Türkiyənin milli müdafiə naziri Yaşar Gülər ilə ABŞ-ın müdafiə naziri Lloyd Ostin arasında telefon danışığı olub.

Oxuməni.az xəbər verir ki, bu barədə Türkiyə Milli Müdafiə Nazirliyi məlumat yayıb.

Bildirilib ki, görüş zamanı ikitərəfli, regional müdafiə və təhlükəsizlik məsələləri müzakirə edilib.

Görüş zamanı həmçinin İsveçin NATO-ya üzvlüyü, F-16-nın tədarükü və modernləşdirilməsi müzakirə olunub.

Bu arada CNN Türk xəbər verib ki, Türkiyə parlamenti gələn həftənin sonuna qədər İsveçin NATO üzvlüyünü ratifikasiya edə bilər.

Bu hadisələr fonunda NATO-nun baş katibi Yens Stoltenberq Türkiyə ilə ABŞ arasında Ankaraya F-16 qırıcılarının tədarükü ilə bağlı istənilən dialoqu alqışladığını bildirib və NATO-nun həmişə müttəfiqlər arasında hərbi təchizatla bağlı məhdudiyyətlərin aradan qaldırılmasının tərəfdarı olduğunu vurğulayıb.

Əziz Baş Göynüklü