İsrail Hizbullahın Suriyadakı kəşfiyyat rəhbərini məhv edib
İsrail ordusu Hizbullahın Suriyadakı kəşfiyyat qərargahına məxsus hava obyektlərinə zərbələr endirib. Zərbələr nəticəsində kəşfiyyat bölməsinin rəhbəri Mahmud Məhəmməd Şahin məhv edilib.
Bu barədə İsrail Müdafiə Qüvvələri (IDF) mətbuat xidməti xəbər verir.
İDF qeyd edib ki, Hizbullahın kəşfiyyat qərargahının Suriyada bir şöbəsi var və o, kəşfiyyat məlumatlarının toplanması, əlaqələndirilməsi və qiymətləndirilməsi üçün müstəqil şəbəkəyə malikdir. Qrupun kəşfiyyat rəhbərinin birbaşa rəhbəri Beyrutun Dahieh bölgəsində son əməliyyat zamanı öldürülən Həsən Əli əl-Zaimidir.
Hərbçilərin məlumatına görə, son zərbədə Hizbullahın Suriyadakı kəşfiyyat bölməsinin rəhbəri Mahmud Məhəmməd Şahin də öldürülüb.
Şahin Qrupda müxtəlif vəzifələrdə çalışıb. 2007-ci ildə o, Hizbullahın kəşfiyyat qərargahında Suriya şöbəsinə rəhbərlik edib və bu illər ərzində Suriya rejimi və İranla vəsıx iş əlaqələri qurub.
Oxuməni.az
