Gəncədə yaşayış evində partlayış baş verib
Bu gün səhər saatlarında Böhran Vəziyyətlərində İdarəetmə Mərkəzinə Gəncə şəhərinin Kəpəz rayonunda dördmərtəbəli yaşayış binasında partlayış olması barədə məlumat daxil olmuşdur.
Mediainfo.az-a FHN Mətbuat Xidmətindən verilən məlumata görə, Fövqəladə Hallar Nazirliyinin Dövlət Yanğından Mühafizə Xidmətinin, Xüsusi Riskli Xilasetmə Xidmətinin, Mülki müdafiə qoşunlarının və Gəncə Regional Mərkəzinin müvafiq xilasetmə qüvvələri qeyd olunan ünvana cəlb olunmuş, digər aidiyyəti dövlət qurumları məlumatlandırılmışdır. İlkin məlumata görə, 3 girişdən ibarət binanın 1-ci girişindəki mənzillər dağılmışdır. Dağıntılar altında qalanların olduğu ehtimal olunur. Hazırda axtarış-xilasetmə işləri aparılır. İlkin ehtimala görə, partlayış qaz sızması nəticəsində baş vermişdir. Əlavə məlumat veriləcək.
.jpg)
.jpg)
