ABŞ və Litvanın müdafiə nazirləri ABŞ-ın hərbi mövcudluğunun genişləndirilməsini müzakirə ediblər
Litvanın milli müdafiə naziri Dovile Şakaliene ilə ABŞ-ın müdafiə naziri Piter Heqset arasında telefon danışığı olub, Litvanın Müdafiə Nazirliyinin mətbuat xidməti məlumat yayıb.
“Söhbət zamanı iki ölkə arasında müdafiə sahəsində əməkdaşlıq məsələləri və regional təhlükəsizlik məsələləri müzakirə edilib”, - məlumatda deyilir.
Şakalen əmin edib ki, “Litva ABŞ qoşunlarının ölkəmizdəki mövcudluğunu təkcə saxlamağa deyil, həm də mümkünsə artırmağa hazırdır”.
"ABŞ bizi taleyimizə buraxmaq fikrində deyil. Piter Heqset müdafiə sənayesində əməkdaşlıq üçün perspektivlərə və əlverişli şəraitə çox müsbət cavab verdi, biz taktiki səviyyədə işi davam etdirmək və digər görüşlər zamanı danışıqları davam etdirmək barədə razılığa gəldik", - Litvanın müdafiə naziri mətbuat xidmətinin sitat gətirdiyi kimi danışıqları şərh edib.
“Söhbətin sonunda hər iki tərəf regional və beynəlxalq təhlükəsizliyin möhkəmləndirilməsi məqsədilə sıx əməkdaşlığı davam etdirmək istəklərini təsdiqləyiblər. ABŞ-ın Litvada hərbi mövcudluğu mühüm maneə və Baltikyanı ölkələrdə təhlükəsizliyin təminatıdır”, - deyə Litvanın Müdafiə Nazirliyi yekunlaşdırıb.
Əziz Mustafa, Oxuməni.az
