Rusiya və ABŞ İstanbulda keçirilən danışıqlarda hava nəqliyyatının bərpasını müzakirə ediblər

11 Aprel 07:58

Bəyəndim (3) Bəyənmədim (0)

Rusiya və ABŞ İstanbulda keçirilən danışıqlarda hava nəqliyyatının bərpasını müzakirə ediblər.

Rusiya nümayəndə heyətinə rəhbərlik edən Rusiyanın Vaşinqtondakı səfiri Aleksandr Darçiyev deyib ki, İstanbulda keçirilən danışıqlarda Rusiya və ABŞ arasında hava hərəkətinin bərpası müzakirə edilib. Onun sözlərinə görə, bu yolla tərəflər biznes əlaqələrini genişləndirə bilərdilər.

“Həmçinin vurğulanıb ki, Moskva və Vaşinqton arasında birbaşa hava əlaqəsinin bərpası cəmiyyətlər və insanlar arasında işgüzar əlaqələrin və təmasların genişlənməsinə kömək edəcək”, - deyə cənab Darçiyev danışıqlardan sonra jurnalistlərə bildirib. Dövlət Departamenti danışıqlardan sonra verdiyi açıqlamada bu məsələni şərh etməyib.

Rusiya ilə ABŞ arasında birbaşa uçuşlar 2022-ci ildə dayandırılıb. Amerika aviaşirkətlərinin Rusiya hava məkanına daxil olması, Rusiya aviaşirkətlərinin isə müvafiq olaraq Amerika hava məkanına daxil olması qadağan edilib.

Əziz Mustafa , Oxuməni.az