Ursula von der Leyen: ABŞ ilə razılaşma əldə etmək üçün iyulun 9-na qədər vaxt lazımdır

26 May 12:39

Bəyəndim (4) Bəyənmədim (0)

Avropa Komissiyasının sədri Ursula fon der Leyen X sosial şəbəkəsində ABŞ prezidenti Donald Trampla telefon danışığı apardığını açıqlayıb. Onun sözlərinə görə, Aİ-yə ABŞ ilə ticarət razılaşması əldə etmək üçün iyulun 9-dək vaxt lazımdır.

Xanım fon der Leyen yazıb: "Avropa danışıqları tez və qətiyyətlə irəli sürməyə hazırdır. "Yaxşı bir razılaşma əldə etmək üçün bizə iyulun 9-na qədər vaxt lazımdır".

Ötən həftənin sonunda Donald Tramp iyunun 1-dən Aİ-dən gələn mallara 50 faizlik gömrük rüsumunun tətbiq ediləcəyini açıqlamışdı.O, bu qərarı Vaşinqtonun Brüssellə danışıqlarının dalana dirənməsi ilə izah edib. O, həmçinin Amerika şirkətlərinə qarşı "güclü ticarət maneələri" və "qeyri-ciddi məhkəmə iddiaları"na istinad edib.
Əziz Mustafa, Oxuməni.az