Kreml Putin və Zelenski arasında görüş üçün şərtləri açıqlayıb

Rusiya və Ukrayna prezidentləri Vladimir Putin və Vladimir Zelenski arasında görüş mümkündür, lakin buna yaxşı hazırlaşmaq lazımdır. RBC-nin müxbiri xəbər verir ki, bunu jurnalistlərə Rusiya liderinin mətbuat katibi Dmitri Peskov Almaniya kanslerinin görüşün baş tutmaya biləcəyi ilə bağlı sözlərini şərh edərkən bildirib.
"Prezident Putinin mövqeyini xatırladacağam. O, belə bir görüşün keçirilməsinin mümkünlüyünü istisna etmir, lakin hesab edir ki, ən yüksək səviyyədə istənilən görüş yaxşı hazırlanmalıdır ki, o, ilk növbədə ekspertlər səviyyəsində aparılmalı olan işləri yekunlaşdıra bilsin", - Peskov bildirib.
Onun sözlərinə görə, hələ ki, “ekspert işi tam sürətlə gedir” demək olmaz. "Təəssüf ki, yox. Biz belə danışıqlara hazırıq. Bütün mövqelərimiz açıqlanıb", - Peskov qeyd edib.
Tramp Rusiya lideri ilə avqustun 15-də Alyaskada keçirilən sammitdən sonra Zelenski ilə Putin arasında görüş üçün hazırlıqlara başladığını açıqlayıb. Rusiyanın xarici işlər naziri Sergey Lavrov qeyd edib ki, Putin Zelenski ilə görüşə hazırdır, lakin bir şərtlə ki, ən yüksək səviyyədə nəzərdən keçirilməsini tələb edən bütün məsələlər yaxşı işlənib hazırlansın.
Almaz Həsənli