Ford 500 minə yaxın avtomobili geri çağırır
Milli Avtomobil Yolları Hərəkəti Təhlükəsizliyi İdarəsinə (NHTSA) istinadən “Reuters” xəbər verir ki, Ford əyləc mayesinin sızması səbəbindən ABŞ-da 500 minə yaxın avtomobili geri çağırdığını elan edib.
NHTSA-nın məlumatına görə, problem əyləc sistemində mayenin sızmasına, əyləc məsafəsinin artmasına və qəza riskinə səbəb ola biləcək şlanqın mümkün qopması ilə bağlıdır.
Geri çağırma kampaniyası aşağıdakı modellərə təsir edir:
Ford Edge (2015-2018);
Linkoln MKX (2016-2018).
NHTSA-nın məlumatına görə, geri çağırılan avtomobillərin 1%-də bu qüsur var.
Ford “Reuters” agentliyinə bildirib ki, bu problemlə bağlı qəza və ya xəsarətlər barədə heç bir məlumat almayıb.
Bu, Ford-un öz avtomobillərini geri çağırması ilk dəfə deyil. Xüsusilə, bu, avqustun əvvəlində, amerikalı avtomobil istehsalçısı elektron əyləc gücləndiricisinin potensial nasazlığı səbəbindən 312 min avtomobili xidmətə göndərdiyi zaman baş verib.
Almaz Həsənli
