Özbəkistan Rusiyada taksi sürücüsünün təhqir olunmasına reaksiya verib

Özbəkistan Xarici İşlər Nazirliyi Moskva vilayətində əməkçi miqrantı qul adlandıran şəxs barəsində tədbir görülməsini xahiş edir. “Kommersant” xəbər verir ki, Rusiya Xarici İşlər Nazirliyinə müraciəti Özbəkistan Xarici İşlər Nazirliyinin mətbuat katibi Axror Burxanov açıqlayıb.
Moskva vilayətində yoldan keçən bir nəfərin Özbəkistandan olan taksi sürücüsünə nalayiq sözlərlə müraciət etdiyi video çəkiliş: "Sən rusların qulusan, qulusan! Özbəkistanda heç nə tapmadın - bizə gəldin. Evdə deyilsən, işə gəldin - işlə!" avqustun sonunda internetdə peyda olub, sürətlə yayılıb və ictimai rezonansa səbəb olub. Xüsusən bu barədə “MSK1.RU” nəşri məlumat yayıb.
Hadisə Ximkidəki "Solneçnaya Sistema" yaşayış kompleksinin yaxınlığında baş verib. Hadisə şahidlərinin sözlərinə görə, münaqişə həyətə girişin bağlanması səbəbindən başlayıb. Naməlum şəxs taksi sürücüsünə qışqırdıqdan sonra avtomobilə minərək oradan uzaqlaşıb.
Əvvəllər Burxanov artıq bəyan etmişdi ki, hüquq və azadlıqlar pozulduğu halda Özbəkistan vətəndaşları “dərhal yerləşdiyi dövlətin səlahiyyətli hüquq-mühafizə orqanları ilə əlaqə saxlamalıdırlar”, lakin insidenti birbaşa şərh etməyiblər.
Bu dəfə o, Özbəkistan XİN-in vəziyyəti diqqətlə izlədiyini və artıq Rusiya Xarici İşlər Nazirliyinə rəsmi nota göndərərək təcavüzkar şəxsin kimliyinin müəyyən edilməsini və ona qarşı müvafiq hüquqi tədbirlərin görülməsini tələb etdiyini bildirib.

Almaz Həsənli